Hanze y'U Rwanda

Tanzania : Umusenyeri yatawe muri yombi ashinjwa gushaka gukoresha imyigaragambyo

Igipolisi cya Dar es Salaam cyari cyahagaritse Musenyeri Emmaus Mwamakula wo mw’itorero rya Morovian kimushinja guhamagarira abaturage gukora mumyigaragambyo mu gihugu.

Nk’uko bitangazwa n’umukuru wa Polisi muri uwo mujyi, Lazaro Mambosasa, Musenyeri Mwamakula yahamagaje imyigaragambyo binyuze ku mbuga nkoranyambaga atabisabiye uruhushya polisi.

Musenyeri Emmaus Mwamakula azwiho kunenga bikomeye ubutegetsi bwa Perezida John Magufuli, kuri ino nshuro akaba yari yateguye imyigaragambyo yo gusaba itegeko nshinga rishya ndetse n’itsinda rishya riyobora amatora.

Iyo myigaragambyo yari iteganyijwe gutangira kuri uyu wa kabiri w’italiki 17 gashyantare.

Mambosasa yabwiye abanyamakuru ati:”twari tuzi ko uyu musenyeri wa Moravian asanzwe ayobora imitima yari gushyikiriza ubutumwa binyuza mu mategeko, ariko tumaze kubona ko Dr. Mwamakula arimo ahamagarira abantu kwigaragambya mumihanda bamagana itsinda rishinzwe gutegura amatora n’itegeko nshinga, ashyigikira imyigaragambyo, byabaye ngombwa ko tumuhagarika”.

Mambosasa yavuze kandi ko uyo musenyeri yahagaritswe ku magambo yavuze kuko “yateje imyigaragambyo mu banyagihugu binyuze ku mbuga nkoranyambaga”.

Anyuze ku mbuga nkoranyambanga asanzwe akoresha, Musenyeri Mwamakula amaze igihe ahamagarira abanyagihugu kumufata mu mugongo mu “rugendo rwiwe muri gahunda yo gusaba ko hashingwa itsinda rishya rishinzwe amatora n’itegeko nshinga rishya “.

Nk’uko uyu musenyeri abivuga, uru rugendo rw’amahoro rwatangiriye mu mumujyi wa Dar es Salaam hanyuma rukomereza  hagati mu gihugu.

Si bwo bwa mbere Musenyeri Emmaus Mwamakula yerekana aho ahagaze muri politike. Mu matora aheruka yarashyigikiye ku mugaragaro ishyaka ritavuga rumwe n’ubutegetsi, ACT Wazalendo.

Muri iki gihe, yari yatangaje ko yari agiye kumara imisi umunani azunguruka mumurwa mukuru wa Dar es Salaam.

Hagati aho, yagiye guhagarikwa hasigaye amasaha make ngo iyi myigaragambyo ye itangire.

Igipolisi gitangaza ko imyiteguro yiyo myigaragambyo iteye ukubiri n’amategeko, cyongera gutangaza ko uwo ari we wese wari kuyitabira yariguhanwa.

Mu mwaka ushize, Tanzania yakoze amatora yabayemwo impaka aho abatavuga rumwe n’ishyaka riri ku butegetsi bavuga ko yabayemwo ubujura, ibyo  itsinda rishinzwe  gutegura amatora ryabikanye.

Share:

Leave a reply

Your email address will not be published. Required fields are marked *