Trending

Aug 20, 2021

Ni irihe banga mu kubaka urugo rukomeye nk’abakristo ?

image

Ni irihe banga mu kubaka urugo rukomeye ?

Igisubizo : Intumwa Pawulo yavuze ko umugore aba ’ahambiriye’ ku mugabo we igihe cyose umugabo aba akiriho (Abaroma 7:2). Aha icyo atwigisha nuko urupfu rwonyine arirwo rutandukanya umurunga wo gushyingiranywa. Iri ni itegeko ry’Imana ; ariko muri ibi bihe turimo, gutandukana kw’abashakanye bisigaye bigezweho pe. Mu bihungu byateye imbere ho, urugo rumwe kuri ebyiri (51%) rutangira rurahira ngo ’tuzatandukanywa n’urupfu cyangwa kugaruka kwa Kristo’ ntizitera kabiri zitararenga iyo ndahiro.

Ikibazo rero, ni gute twakomeza ingo zacu ngo zizarambe ? Icya mbere kiruta byose, ni ukwizera no kumvira Imana n’Ijambo ryayo. Iri ni ihame rigomba kuba ryemeranyijweho n’abashakana mbere y’ubukwe. Imana iravuga ngo ’Ese babiri bajyana batasezeranye’ (Amosi 3:3). Ku bakijijwe bose, bivuga ko batatangirana urugendo n’udakijijwe. ’Ntimwifatanye n’abatizera mudahwanye. Mbese gukiranuka no gukiranirwa byafatanya bite ? Cyangwa umucyo n’umwijima byabana bite ?’ (2 Abakorinto 6:14). Iri hame ryonyine rigiye ryubahwa mu kurambagiza ryakiza ibibazo byinshi bivuka nyuma yo gushakana mu ngo nyinshi hanze aha.

Irindi hame nuko umugabo agomba kubaha Imana, kandi agakunda, akubaha kandi akabera ingabo ikingira umugore we, nkuko abikorera umubiri we bwite (Abefeso 5:25-31). Nanone, umugore agomba kubaha Imana kandi akanagandukira umugabo we nk’uko agandukira ’Umwami wacu’ (Abefeso 5:22). Impamvu y’ibyo nuko urukundo hagati umugore n’umugabo ari ishusho y’ubusabane bwa Kristo n’Itorero rye. Yesu yitangiye itorero rye, ararikunda, araryubaha kandi akaryubahisha, kandi anarikingira byinshi bishaka kuryangiza (Ibyahishuwe 19:7-9).

Ubwo Imana yaremaga Eva ikamushyingira Adamu mu bukwe bwa mbere bwabayeho, yaremwe ’nk’akara ko mu mara ye, igufa ryo mu magufa ye’ (Intangiriro 2:23-24). Kuba umubiri umwe birenze uyu mubiri ufatika. Bivuga guhuza maze ubwenge n’umutima bikaba ikintu kimwe. Ubu busabane burenze kure cyane amarangamutima twiyumvamo, kuko bugera mu kuba umwe mu buryo bw’umwuka abashakanye bageramo iyo biyeguriye Imana. Ubwo busabane ntabwo bushingira kuri ’njyewe n’utwanjye’, ahubwo bushingira kuri ’twebwe n’utwacu’. Iri ni rimwe mu mabanga akomeye y’urugo ruzaramba.

Gusigasira urugo ngo rurambe igihe bombi bakiriho bigomba kuraza ishinga abashakanye bombi. Gukomeza ubusabane bwacu n’Imana burya bijyana no gusigasira ubusabane bwawe n’uwo mwashakanye, kandi kuramba k’ubwo busabane bwombi bihesha Imana icyubahiro.

Our Latest Blog

Pasteri yiyahuye asiga yanditse ibaruwa ishinja umugore we kuba...

Umupasteri yasize umugore we bari bamaranye imyaka 30 kuko yari yaramwizeye ko abonye urukundo rw’ubuzima bwe ariko bikarangira amuhemukiye. Amezi 7 ashize Pasteri Mumba ukomoka mu igihugu cya...

Yahishuye ko yaryamanye n’abagabo bafite ingo kugirango abone...

Umukobwa wo mu igihugu cya Ghana uzwi mugukina Filme Keila Treyy yahishuye ko yaryamanaga n’abagabo bafite ingo kugirango atanga inkunga yo kubaka urusengero ndetse no gufasha impfubyi. Uyu...

Umuhanuzi Ian Genesis yajyanye ikirego murukiko nyuma yo guhanura...

Prophet Ian wo mu igihugu cya Zambia nyuma yuko ahanuye ko Edgard Chagwa Lungu ariwe ugomba kongera gutsinda mumatora yo kongera kuyobora Zambia, ubwo buhanuzi bikarangira budasohoye nkuko...

Umushumba wa Kiliziya Gatolika ku isi Papa Francis yatanze...

Umushumba wa Kiliziya Gatolika ku isi Papa Francis yatanze ubutumwa bushishikariza abantu kwikingiza Covid -19 avuga ko igihe inkigo z’iki cyorezo zageze ku bantu bose zishobora kukirangiza. Ubu...