Umushumba wa Kiliziya Gatolika ku isi Papa Francis yatanze ubutumwa bushishikariza abantu kwikingiza Covid -19

image

Umushumba wa Kiliziya Gatolika ku isi Papa Francis yatanze ubutumwa bushishikariza abantu kwikingiza Covid -19 avuga ko igihe inkigo z’iki cyorezo zageze ku bantu bose zishobora kukirangiza.

Ubu ubutumwa bwatambutse mu buryo bw’amashusho harimo n’abandi basenyeri ba Gatolika, bo ku mugabane w’Amerika, Papa Francis yavuze ko inkingo zitanga ikizero cyo kurangiza iki cyorezo, ariko bikaba byabaho igihe zigeze ku bantu bose.

Ati"Ku bw’impuhwe z’Imana n’akazi ka benshi, ubu dufite inkingo zo kudukingira Covid-19. Ziduha icyizere cyo kurangira kw’iki cyorezo, ariko mu gihe zibonetse kuri bose kandi dufatanyije."

Yakomeje navuga ko kwikingiza ari uburyo bwo guteza imbere icyiza, ndetse ko buri wese akwiye gutanga uruhare rwe ku gikorwa cy’urukundo.

Ati "Kwikingiza biroroshye, ariko ni uburyo bwo guteza imbere icyiza rusange no kwita ku bandi, cyane cyane abageramiwe kurusha abandi. Ndasenga Imana ngo buri wese atange uruhare rwe rutoya, igikorwa cye gito cy’urukundo ku bantu bose."
Ubu butumwa Papa yabutanze mu izina ry’imiryango itegamiye kuri leta yo muri Amerika ya Ad Council n’ihuriro ry’ubuvuzi COVID Collaborative, nk’uko tubikesha BBC.

Itangazo ryasohowe na Ad Council rivuga ko ubu butumwa Papa yatanze ari ubukangurambaga bwabo bwa mbere bakoze bugenewe abatuye isi.

Papa Francis ubwe yakingiwe Covid -19 mu kwezi kwa gatatu, avuga ko icyo gihe byari inshingano ikwiriye.

Papa Francis yatanze ubu butumwa bubwira abantu kwikingiza Covid mu gihe hari bamwe mu bakristu gatolika bashidikanya izi nkingo.

Ibigo bya Ad Council na COVID Collaborative byatangiye ubukangurambaga ku nkingo muri Amerika mu kwezi kwa mbere.
Inzobere mu buvuzi ziburira ko hashobora kuza andi moko arushijeho ubukana niba iyi virus ibashije gukomeza gutembera mu bantu benshi batakingiwe

Our Latest Blog

Igisubizo Sarah Uwera Sanyu uzwi cyane muri Ambassadors of Christ...

Ubwo umuhanzikazi akaba n’umuririmbyikazi wa Korali ambassadors of Christ ubwo yari mukiganiro The choice kiyoborwa na M. Irene ndetse na Phil Peter kuri televiziyo ya Isibo tv ku italiki ya 25...

Pasteri Zigirinshuti Michel yongeye guhagarikwa amezi...

Itorero ADEPR ryahagaritse Pasiteri Zigirinshuti Michel mu gihe cy’amezi atatu atabwiriza kubera amagambo yavuze ubwo yari yatumiwe mu gitaramo cyabereye muri Paruwasi ya Nyarugenge. Iki gitaramo...

Bimwe mubyaganiriweho ubwo Perezida Joe Biden yahuraga na Papa na...

Papa Fransisiko yakiriye kandi agirana ibiganiro na perezida wa Leta zunze ubumwe z’Amerika, Joe Biden. Baganiriye ku bibazo by’ubukene ku isi, imihindukire y’ibihe, n’icyorezo cya Covid 19. Ku...

"Gospel ntabwo ari ikintu wahubukira, ariko iyo album ya Gospel...

Umuhanzi ukunzwe cyane uzwi ku mazina y’ubuhanzi nka Bruce Melodie yongeye kwemeza ko agifite umugambi wo kuzakora Album ya Gospel. Ibi yabitangaje mu kiganiro giheruka kizwi nka The Choice...