Umuryango w’umuhanzi Thacien Titus wahaye umuhanzi Theo Bosebabireba inzu y’ubucuruzi

image

Thacien Titus na madamu we bahaye umuhanzi Uwiringiyimana Theogene uzwi ku izina Bosebabireba inzu y’ubucuruzi yo gucururizamo.

Ibi Titus yabitangaje mu kiganiro yagiranye n’Impanuro tv, ubwo bari bari mu kagarama mu karere ka Kicukiro, aho Theo yari yasuye umuryango wa Titus mu rugo iwabo.

Umuhanzi ThacienTitus yavuze ko yamenyanye na Theo bahuriye mu murimo w’Imana, ubwo theo yajyaga ajya kuririmba mu biterane bitandukanye ndetse nyuma na we akaza guhinduka umuhanzi, bagakomeza guhuzwa n’umuziki, kandi koTheo ari umwe mu bahanzi bamufashaga , bakamutera ishyaka ryo kuba mu muziki.
Bavuze ko Theo yaje kubasura nk’inshuti ya bo kandi bahurira ku murimo wo kuririmba.

Titus avuga ko nyuma yo kubona uburyo Theo yahuye n’ibibazo bitandukanye yahise atangira kwibaza uko babana bidashingiye k’umuziki gusa.

Ati” urabona uburyo yavuye mu bugande bamwibye nubwo yabigize ibanga ariko ambabarire kuba mbishyize hanze, ariko njye nk’inshuti ye narabimenye ko bamwibye, aza mu Rwanda ubuzima butameze neza , youtube ye barayitwara ariyo yavanagaho n’amafaranga, ibintu nyine byari byabaye bibi. Hanyuma rero ndavuga nti akwiye kuza tukaganira, na nyuma yo kuririrmba tukagira ukundi kuntu tubaho, buriya abakozi b’Imana hari igihe umuntu ahura n’ikibazo akumva ko adakwiye kugaragaza ko hari ibintu bitameze neza.”

Akomeza avuga ko nubwo Theo ari umuririmbyi ariko afite n’impano yo gucuruza ndetse amuhaye n’inzu yo gucururizamo.

Ati”No mubyo twaganiraga hari harimo kwibaza ngo hirya yo kuririrmba hari ubundi buryo twakora, Theo buriya afite impano y’ubucuruzi, na mbere yo kuririmba yajyaga ababwira ukuntu yajyaga azunguza izembe n’ibintu byose, njyewe n’umutima wanjye, mfite inzu y’ubucuruzi ,Imana yaduhaye umugisha mu buryo butandukanye, hariya mu Gatenga mfite amazu yubucuruzi njye ndumva Theo nshaka kumuhamo umuryango akawukoreramo amezi atanu atanyishyura, kandi nizeye ko hamwe no gusenga bizagenda neza, iyo nzu ndayimuhaye azayikoreremo icyo ashaka.”

Madamu wa Titus nawe yavuze ko ashyigikiye umugabo we muri iki gikorwa cyiza cyo guha Theo iyi nzu.

Ati “ Imana ihe umugisha umugabo wanjye ,utekereje kugirira neza Theo n’umuryango we, natwe tuba turi gukorera umugisha kandi umugabo wanjye twarabisezeranye ko tuzajya dukorera umugisha.”

Theo yavuze ko anezejwe no kuba ahawe iyi nzu ndetse ashimira umuryango waTitus, ariko anavuga ko asigaranye ikibazo cy’aho azakura ibyo azacururiza muri iyo nzu kubera ko ntagishoro afite, asaba ko umuntu ashaka kumufasha yamufasha kubona icyo gucururiza muri iyo nzu.

Our Latest Blog

Iryavuzwe riratashye Rose Muhando agiye kwishyura ideni kuri...

Mu nkuru yacu iheruka, ubwo twibazaga nimba koko Rose Muhando nagera mu Rwanda abantu bagiye bamutumira banamwishyuye akabatenguha, batazamufatirana bakamwishyuza ubutumire bwabo yabatengushyemo...

Rwanda Gospel Stars Live isize inkuru ki i Musozi ?

Rwanda Gospel Stars live yaraye isojwe mw’ijoro ryo kuri iki cyumweru cy’italiki ya 06 Werurwe, ni igikorwa cyari kije gifite intego nziza ariko gisize byinshi i musozi, ni inyuma y’ibintu byinshi...

Ku munota wanyuma abari bagize akanama nkemurampaka muri Rwanda...

Abari bagize akanama nkemurampaka ka Rwanda Gospel Live Stars bimaze kumenyekana ko besezereye rimwe . kubera imikorere idahwitse y’abategura iri rushanwa. Ibi byamenyekanye mumasaha yatambutse...

Ibyo Rose Muhando yatangaje akigera mu Rwanda

Umuhanzikazi uzwi cyane muri Afrika y’iburasirazuba Rose Muhando yaraye asesekaye mu Rwanda mw’ijoro ryahise, akigera mu Rwanda yagize ibyo atangaza kubyerekeranye n’u Rwanda ndetse nicyo abantu...