Umubatizo wo mu mazi menshi wakomorewe abana bemererwa kujya gusenga

image

Nyuma cy’amezi atari make insengero zujuje ibisabwa zemerewe gukora ariko ntizakire abana bari munsi y’imyaka itandatu, kuri ubu Minisiteri y’Ubutegetsi bw’Igihugu yashyizeho amabwiriza mashya agenga imikoreshereze y’insengero muri ibi bihe byo kwirinda COVID-19, aya mabwiriza yemereye abana kujya gusenga ariko bakajyana n’abantu bakuru.

Kuri uyu wa 20 Ukwakira 2021 nibwo MINALOC yashyize hanze aya mabwiriza mashya asimbura ayari yatangajwe ku wa 2 Mata 2021 ariko nk’uko MINALOC ibitangaza ivuga ko aya mabwiriza ashobora kuvugururwa igihe cyose bibaye ngombwa.

Aya mabwiriza kandi avuga ko imihango yose y’idini cyangwa itorero yemewe ariko umuhango w’umubatizo wo mu mazi menshi, ababatizwa, ubatiza n’abamufasha bose bagomba kuba bipimishije Covid-19 mu masaha atarenze 72 mbere y’umubatizo.

Minisiteri y’Ubutegetsi bw’Igihugu yatangaje ko uburenganzira bwo gufungura insengero buzakomeza gutangwa n’ubuyobozi bw’uturere nyuma y’aho igenzura rihuriweho n’inzego z’ibanze, iz’umutekano, abahagarariye amadini n’amatorero ryemeje ko insengero zasabye ubwo burenganzira zujuje ibisabwa.

Amadirishya n’inzugi by’ahasengerwa bigomba kuba bifunguye kugira ngo hinjiremo umwuka uhagije kandi hagati y’iteraniro n’irindi hagomba kujyamo umwanya uhagije, ungana n’isaha imwe kugira ngo habanze gukorwa isuku mbere y’uko irindi teraniro rikorwa ndetse insengero zemerewe gukora zizajya zakira abantu 50℅ by’ubushobozi bwazo.

Abantu bose baributswa gukomeza gukurikiza andi mabwiriza yose asanzwe yo kwirinda Covid-19.

Our Latest Blog

Ibyo Rose Muhando yatangaje akigera mu Rwanda

Umuhanzikazi uzwi cyane muri Afrika y’iburasirazuba Rose Muhando yaraye asesekaye mu Rwanda mw’ijoro ryahise, akigera mu Rwanda yagize ibyo atangaza kubyerekeranye n’u Rwanda ndetse nicyo abantu...

Mw’itorero rya Rwanda For Jesus haravugwa ubuhemu muba Pasteri...

Mw’itorero rya Rwanda For Jesus, haravugwamo ubuhemu hagati yaba Pasteri bayo bikaba bitumye, bagezanya mu nkiko, nyuma yuko aba pasteri batandukanye bagerageje kubunga ariko bikanga bigakomeza...

Rose Muhando utegerejwe mu Rwanda azaza koko ? abamutumiye...

Rwanda Gospel Stars Live n’igikorwa kimaze igihe kigarukwaho mw’itangazamakuru, abagitegura bagisobanura bavugaga ko intego ya Rwanda Gospel Stars Live ari ugufasha abahanzi ba gospel kwiteza...

Kiliziya Gatolika batangiye Igisibo cy’iminsi 40 bagenerwa...

Kuri uyu wa gatatu, tariki ya 2 Werurwe, Kiliziya yatangiye igihe gikomeye muri Liturujiya « Igisibo ». Muri Kiliziya, igisibo ni urugendo rw’iminsi 40 abakristu bamara basenga, bigomwa kanda bicuza...