Uko Rugamba Sipiriyani yishwe yaraye ashyize hanze indirimbo"Nzataha Yeruzalemu Nshya"

image

Umuhanzi Rugamba Sipiriyani ni umwe mu bahanzi bo mu Rwanda batazibagirana kubera inganzo ye idasobanya igeza ubutumwa bwiza ku Banyarwanda, burimo gukunda Imana n’abantu.

Rugamba Sipiriyani yishwe mugihe cya Jenoside yakorewe abatutsi mu mwaka 1994 yicwa ari kumwe n’Umugore we n’abana be batandatu

Ubwo indege ya Habyarimana Juvenal, wahoze ari Perezida w’u Rwanda yagwaga ku itariki ya 06 Mata 1994, umuryango wa Rugamba uri mu bishwe ku ikubitiro ubwo Genocide yakorewe Abatutsi yatangiraga.

Umuhungu we Rugamba Olivier avuga ko byari bigoye ko Rugamba yarokoka kubera ko yari yarashyizwe ku rutonde rw’abagombaga kwicwa.

Aho yari atuye ku Kimihurura hafi y’ikigo cy’amashuri cya IFAK, hari ikigo cya Gisirikare cyabagamo abasirikari barindaga Habyarimana.

Yari anaturanye kandi na Theoneste Bagosora umwe mu bateguye, bakanashyira mu bikorwa Jenoside yakorewe Abatutsi.

Tariki ya 07 Mata 1994 ni bwo yishwe hashize iminota mirongo itatu ahamagaye kuri telefoni abana be. Rugamba Olivier na Dorcy Rugamba bo batari baraye muri urwo rugo bari baragiye kurwaza nyirasenge i Butare.

Bibuka ijambo yababwiye abasaba kuzaba abagabo kuko yari azi ko ari bupfe. Ubwo bazaga kubica yari yaraye asenga n’umuryango we ndetse yari yaraye anasohoye indirimbo “Nzataha Yeruzalemu Nshya”.

Ababishe babanje kubakubita ibibuno by’imbunda nyuma babarasa amasasu y’urufaya.Umwana we warokokeye aho ni Cirdare Rugamba.

Kugira ngo arokoke, yarashwe isasu bagira ngo yapfuye ariko aza kuva mu mirambo, aragenda abwira bakuru be ko ababyeyi babo bishwe, aza guhunga abasanga i Bujumbura.

Our Latest Blog

Impamvu nyamukuru yisubikwa ry’urugendo rwa Israel Mbonyi mu...

Muri Mata 2021, byari byitezwe ko Israel Mbonyi agomba gukorera urugendo muri Israel muri gahunda bise ‘Twende Jerusalem’ igamije kuzamura umubano hagati y’icyo gihugu n’u Rwanda no guteza imbere...

Vatikani yandikiye ibaruwa igira inama ubuyobozi bw’inamankuru...

Ubuyobozi bwa Vatikani bwandikiye ibaruwa igira inama ubuyobozi bw’inama nkuru yabepiskopi muri Leta Zunze ubumwe z’Amerika ku cyemezo ishaka kuzatorera cyo guhagarika Joe Biden Perezida wa Amerika...

Ibyabereye mubudage bishobora gutuma hari abiyomora kuri Kiliziya...

Abadage b’abapadiri bavuguruje iteka rya Papa riherutse aho yagaragazaga ko Kiliziya Gatolika idashobora guha na rimwe umugisha icyaha nk’uko kandi Imana itigeze ndetse itazigera ibikora. Ibi...

Uwitonze Tonzi yavuze ibigwi Mama we utakiriho agira nicyo...

Umuhanzikazi Uwitonze Tonzi yagaragaje imbamutima ze kuri Mama we utakiriho ubwo hizihizwaga umunsi mpuzamahanga waba Mama. K’umunsi wo kucyumweru nibwo hizihizwaga umunsi mpuzamahanga waba Mama,...