" Twaje muri ADEPR abayobozi bahemberwa mw’isogisi tubiha umurongo none twiswe ikizira" Tom Rwagasana yasabye ubutabera

image

Kuri uyu wa Kabiri mu Rukiko Rukuru hakomeje urubanza rw’abahoze ari abayobozi ba ADEPR aho Tom Rwagasana ari we wahereweho mu kwisobanura.

Pasiteri Tom Rwagasana yabwiye urukiko ko yifuza guhabwa ubutabera kuko amaze imyaka itanu asohowe muri ADEPR akaba yariswe ikizira kandi arengana.

Yavuze ADEPR yakoresheje ibinyamakuru mu bihe bitandukanye kugira ngo bimuharabike bimwangishe abayoboke bayo.

Ati “Ibyo binyamakuru byakoreshaga umutwe w’inkuru ukanganye aho nitwaga ikizira cyaje ahera muri ADEPR. Nyakubahwa Perezida w’urukiko maze hafi imyaka itanu nsohowe muri ADEPR nkeneye ko nahabwa ubutabera.”

Kimwe na mugenzi we Sibomana Jean, wamubanjirije kwisobanura mu iburanisha ry’ubushize, Rwagasana yavuze ko atemera igenzura ry’umutungo ryagaragaje ko banyereje umutungo wa ADEPR.

Ati “Mbere yuko urubanza rukomeza turasaba urukiko ko habanza gukurwaho ‘Audit’ yakozwe n’uruhande rwa ADEPR ijyanye n’uko twanyereje umutungo kandi igakorwa twe tuvugwa mu kunyereza umutungo tutayigizemo uruhare.”

Yakomeje abwira urukiko ko atemera ibyaha ashinjwa birimo icyo kunyereza umutungo no gukoresha inyandiko mpimbano akaba ababazwa no kuba bitwa abajura nyamara ari bo bashyize ibintu ku murongo muri ADEPR aho bayinjiyemo “abashumba bahemberwa mu isogisi”.

Ati “Twasanze harimo akajagari dushyira ibintu ku murongo none twahindutse abajura, ubu nitwe ba ruharwa.”

Urubanza rw’abahoze ari abayobozi ba ADEPR rumaze imyaka ine mu nkiko kuko rwatangiye kuburanishwa 2017 ruhera mu Rukiko Rwisubuye rwa Gasabo. Batatu barakatiwe abandi icyenda bagirwa abere. ADEPR yahize ijururira icyemezo cy’urukiko, ubushinjacyaha na bwo burajurira.

Iburanisha rirakomeje.

Source:Igihe

Our Latest Blog

Igisubizo Sarah Uwera Sanyu uzwi cyane muri Ambassadors of Christ...

Ubwo umuhanzikazi akaba n’umuririmbyikazi wa Korali ambassadors of Christ ubwo yari mukiganiro The choice kiyoborwa na M. Irene ndetse na Phil Peter kuri televiziyo ya Isibo tv ku italiki ya 25...

Pasteri Zigirinshuti Michel yongeye guhagarikwa amezi...

Itorero ADEPR ryahagaritse Pasiteri Zigirinshuti Michel mu gihe cy’amezi atatu atabwiriza kubera amagambo yavuze ubwo yari yatumiwe mu gitaramo cyabereye muri Paruwasi ya Nyarugenge. Iki gitaramo...

Bimwe mubyaganiriweho ubwo Perezida Joe Biden yahuraga na Papa na...

Papa Fransisiko yakiriye kandi agirana ibiganiro na perezida wa Leta zunze ubumwe z’Amerika, Joe Biden. Baganiriye ku bibazo by’ubukene ku isi, imihindukire y’ibihe, n’icyorezo cya Covid 19. Ku...

"Gospel ntabwo ari ikintu wahubukira, ariko iyo album ya Gospel...

Umuhanzi ukunzwe cyane uzwi ku mazina y’ubuhanzi nka Bruce Melodie yongeye kwemeza ko agifite umugambi wo kuzakora Album ya Gospel. Ibi yabitangaje mu kiganiro giheruka kizwi nka The Choice...