Trending

Oct 3, 2021

RDC : Batewe inkeke n’abiyise ’Bajakazi’ bagenda bahanurira abantu ko ari abarozi bikabaviramo kwicwa

image

Mu gihugu cya repubulika iharanira demokarasi ya Congo mu bice bitandukanye by’Intara ya Kivu y’Amajyepfo, abapfumu n’abarozi bamerewe nabi bahigwa bukware n’abaturage ndetse hamwe na hamwe bagatwikwa ari bazima.

Nk’uko ikinyamakuru Actualite.cd cyabitangaje, Bosco Muchukiwa uyobora ikigo Institut supérieur de Développement Rural (ISDR) de Bukavu, yavuze ko ikibazo gikomeje gufata indi ntera kuko inzego za Leta zirimo polisi n’ubutabera zananiwe gukora inshingano zazo, bigatuma abaturage birwanaho.

Yakomeje avuga ko igiteye inkeke ari abagore babwiriza Ijambo ry’Imana biyise ‘Bajakazi’, bagenda umudugudu ku wundi bahanura uwo bakekaho kuba umurozi kandi ko mu gihe bavuze ko beretswe ko ari umurozi, abaturage baramwigabiza bakamwica.

Nelly Adidja ukuriye ishyirahamwe ry’abagore bari mu itangazamakuru muri Kivu y’Amajyepfo, ’Association des femmes des Médias (AFEM), yavuze ko kuva muri Kamena kugeza muri Nzeri uyu mwaka, bamaze kwakira ibirego 314 by’abantu bashinjwa uburozi n’ubupfumu.

Muri Kalehe habarurwa abapfumu n’abarozi 114, batanu muri bo b’igitsinagore batwitswe ari bazima, mu gihe abandi bane batwawe n’imitwe yitwaje intwaro ku buryo ntawe uzi aho babajyanye.

Ubuyobozi buvuga ko mu ntangiriro za Nzeri uyu mwaka, hari umunani bakekwaho ubupfumu no kuroga bishwe batwitswe muri teritwari za Kalehe, Walungu na Fizi.

Our Latest Blog

Minaloc yatangaje ko yemeye ubusabe bw’amadini yasabye gusenga...

Nyuma y’uko Covid- 19 igeze ku isi yose ndetse no mu Rwanda, hari ingamba nyinshi zagiye zifatwa mu rwego rwo kwirinda ikwirakwira ry’iki cyorezo. Mu ngamba zafashwe mu Rwanda habanje kuzaho guma...

Pasteri Habineza Joe muri gahunda yogutegura ibitaramo bya gospel...

Nyuma y’uko Pasiteri Habineza Joe asohoye indirimbo yise I Gologota ibwira abantu ko ibyiringiro byose biba muri Yesu kuko ariwe watsinze, Pasiteri yashyizeho ibihembo bitandukanye ku bantu...

Hagiye gutangizwa urubuga nkoranyambanga rwa gikristo ruzajya...

Hagiye kumurikwa urubuga nkoranyambaga ruzahuza abakristo gusa, urwo rubuga ruzajya rushyirwaho ibintu bigamije gufasha abakristo bishingiye ku Imana gusa. Mu mwaka wa 2022 nibwo urubuga rushya...

"Imana yaburije umugambi mubi wa Satani wari uwo kunyica ariko...

Umuhanzi Prosper Nkomezi yarokotse impanuka yagombaga kumuhitana, ariko Imana ikinga akaboko, nkuko amaze kubinyuza kurubuga rwe rwa Instagram. Mubutumwa amaze kunyuza kuri instagram yagize ati...