Kigali : Ntibisanzwe umuyisilamukazi usengera mumadini yose

image

Umugore utuye mu Murenge wa Kimisagara mu Karere ka Nyarugenge, yemeza ko ari umuyoboke w’idini ya Islam ariko usengera mu madini yose kuko yasanze Imana abantu bose basenga ari imwe.

Mu kiganiro yagiranye na IGIHE, nyuma gufatirwa mu cyuho na Polisi ari gusengera mu rugo rw’umuturage ruherereye mu Kagari ka Katabaro Murenge wa Kimisagara yifatanyije n’abayoboke b’Itorero Isoko y’Umugisha, yemeje ko kwifatanya n’andi madini kuri we ntacyo bitwaye.

Gukoresha Bibiliya no kuririmba indirimbo zihimbaza Imana ni bimwe mu bidasanzwe kuri we kuko yemeza ko akiri umuyoboke w’idini ya Islam.

Ati “Njye ndi umuyisilamu ariko na none kuko nzi ko Imana ari imwe ahambereye hafi ni ho njya gusengera, aha mpaje inshuro ebyiri kandi nsenga nta bwoba mfite.”

Yakomeje ashimangira ko azi neza ko ibyo akora bitemewe muri iryo dini rya Islam ndetse hari abamufata nk’igicibwa, gusa ngo abikora ashaka kwiyeza umutima.

Mu minsi ishize yafatanywe n’abo basenganaga barenze ku mabwiriza yo kwirinda Covid-19 ubwo bari mu cyumba cy’amasengesho ari benshi.

Src : Igihe

Our Latest Blog

Igisubizo Sarah Uwera Sanyu uzwi cyane muri Ambassadors of Christ...

Ubwo umuhanzikazi akaba n’umuririmbyikazi wa Korali ambassadors of Christ ubwo yari mukiganiro The choice kiyoborwa na M. Irene ndetse na Phil Peter kuri televiziyo ya Isibo tv ku italiki ya 25...

Pasteri Zigirinshuti Michel yongeye guhagarikwa amezi...

Itorero ADEPR ryahagaritse Pasiteri Zigirinshuti Michel mu gihe cy’amezi atatu atabwiriza kubera amagambo yavuze ubwo yari yatumiwe mu gitaramo cyabereye muri Paruwasi ya Nyarugenge. Iki gitaramo...

Bimwe mubyaganiriweho ubwo Perezida Joe Biden yahuraga na Papa na...

Papa Fransisiko yakiriye kandi agirana ibiganiro na perezida wa Leta zunze ubumwe z’Amerika, Joe Biden. Baganiriye ku bibazo by’ubukene ku isi, imihindukire y’ibihe, n’icyorezo cya Covid 19. Ku...

"Gospel ntabwo ari ikintu wahubukira, ariko iyo album ya Gospel...

Umuhanzi ukunzwe cyane uzwi ku mazina y’ubuhanzi nka Bruce Melodie yongeye kwemeza ko agifite umugambi wo kuzakora Album ya Gospel. Ibi yabitangaje mu kiganiro giheruka kizwi nka The Choice...