Trending

Oct 26, 2021

Bishop Harerimana Jean Bosco yavuze ko yishimiye imirimo n’ibitangaza byabereye mu masengesho y’iminsi 40.

image

Nyuma ya masengesho y’iminsi mirongo ine yakozwe n’itorero Zeraphath Holy Church, Bishop Harerimana Jean Bosco umuyobozi w’iri torero yagaragaje ko yishimiye umusaruro wavuye muri aya masengesho.

Iri torero ryakoze aya masengesho mu rwego rwo gusengera kurushaho kugira ububyutse no kwegera Imana, aya masengesho yari afite intego ivuga iti “Ni iki wabibye ?” Asobanura ko iyo ubibye neza, usarura neza, wabiba nabi ugasarura nabi.

Aya masengesho y’iminsi 40 yabaye kuva ku wa 13 Kanama kugeza ku wa 22 Nzeri 2021. Yitabiriwe n’abantu babarirwa mu bihumbi barimo abayakurikiranye mu buryo bw’ikoranabuhanga, binyuze ku mbuga nkoranyambaga za Zeraphath Holy Church, Zoom, TV1 n’indi miyoboro itandukanye, ndetse n’abateraniye mu rusengero rwa Seraphath ruri i Remera.

Abayitabiriye bagaburiwe ijambo ry’Imana na Bishop Harerimana Jean Bosco n’abandi bavugabutumwa barimo Kalisa Fred wo muri ADEPR na Bishop Marc Ziharirwa wo muri Repubulika Iharanira Demokarasi ya Congo.

Yanatumiwemo abahanzi batandukanye barimo Alice Big Tony, Aimé Frank na Aline Gahongayire waririmbye ubwo yasozwaga ku mugoroba wo ku wa 22 Nzeri 2021.

Bishop Harerimana Jean Bosco yavuze ko mu minsi 40 habayeho gusengera ibyifuzo bitandukanye, gusengera abarwayi, no gukora deliverance.

Yagize ati “Twabonye Imana ikiza abantu, twabonye abantu bakira agakiza. Hari abakize, bari baravunitse, hari n’abari biteguye ko bagomba gupfa ariko bakize. Abakiriye agakiza twabonye abarenga 100, hari n’abandi bakakiriye ku ikoranabuhanga utamenya. Abakize bo ni benshi, ntiwahita umenya imibare. Harimo n’abari bagiye bagira ibibazo byo kudasama, baduhaye ubutumwa, ubwo dutegereje igitangaza cy’Imana.’’

Avuga ko aya masengesho y’iminsi 40 yakozwe hagamijwe kongera gushaka ububyutse by’umwihariko mu gihe nk’iki ibyiringiro byatakaye.

Ati “Kwari ukugira ngo twongere tubone ububyutse, twari tumaze igihe muri Guma mu rugo, twatangaga ihumure ko ubuzima bugikomeza."

Bishop Harerimana yakomeje avuga ko mu butumwa bahaye abakirisitu harimo n’ingamba zo kwirinda COVID-19.

Ati“Twakanguriye abantu kwikingiza, twe ntituvuga ko urukingo atari rwiza. Intego yo kuvuga ngo ni ‘iki wabibye ?’ harimo no kugira imibanire myiza n’abandi kandi ibyo bigendana no kwirinda kubanduza mu kubahiriza ingamba ariko no kwikingiza COVID-19.’’

Yasobanuye ko aho Isi igeze bikwiye ko abantu bongera kugirira Imana icyizere kuko n’abayikorera by’ukuri bahari.

Ati “Dukeneye kongera kwizera Imana, Abanyarwanda bakomeretse bumve ko niba barakomeretse, ni abantu babakomerekeje ariko Imana yo iracyahari kandi irakora.’’

Zeraphath Holy Church ifite icyicaro gikuru mu Karere ka Rubavu ; ifite n’ishami ryayo i Remera mu Mujyi wa Kigali ; Umuyobozi w’iri torero Bishop Harerimana Jean Bosco asanzwe akoreshwa ibitangaza byo gukiza uburwayi bwananiranye no gusengera abafite ibibazo by’ingutu.

Src : Igihe.com

Our Latest Blog

Kiliziya Gatolika mu Rwanda yagaragaje ukuri ku bavuga ko...

Mu gihe hashize iminsi mike hatangajwe amavugurura ari gukorwa muri Kiliziya Gatolika, abantu batandukanye bahise batekereza ko aya mavugurura yaba agamije gukemura bimwe mu bibazo bijyanye...

Iran : Guverineri yakubitiwe ku ruhimbi mu musigiti ubwo yavugaga...

Mu gihe yarari gutanga imbwirwaruhame mu nama yaberaga mu musigiti Guverineri w’intara ya Azerbaijan y’iburasirazuba muri Iran, yakubiswe urushyi. Ibi byabaye kuri uyu wa Gatandatu ubwo uyu...

Pastor yeguye ku mwanya wo gushumba Itorero nyuma yuko hari...

Umu Pasteri wo mu igihugu cya Kenya usanzwe atuye muri Leta Zunze ubumwe yamaze kwegura ku inshingano ze nyuma yuko umwe mu bakristo ashize hanze amajwi ye hanze. Uyu mu Pasteri wo mw’itorero...

Nigeria : Umuhanuzikazi yashyinguwe ari muzima ashinjwa kwica...

Umuhanuzikazi Utang Edet Effiong, wari afite itorero mu mujyi wa Ikot Edem Odo muri Leta ya Cross River, mu majyepfo ya Nigeria, abagize umuryango we bamushyinguye ari muzima ubwo bari barakaye...