Adonis Muco uzwi mundirimbo "Nzogera kucyo yavuze" yavuze icyamuteye gukora indirimbo yise "Ndi Umunyamulenge"

image

Umuhanzi mundirimbo zo Kuramya no guhimbaza Imana Muco Adonis yashyize hanze indirimbo yise "Ndi umunyamulenge", ni indirimbo yagarutse cyane ku mazina y’imisozi y’i Mulenge, mukiganiro twagiranye yatubwiye icyamuteye gukora iyo ndirimbo.

Nyuma yuko ashyize hanze indirimbo "Ndi umunyamulenge" twaganiriye na Muco Adonis wamenyekanye cyane mw’itsinda rya One Nation, itsinda ryamenyekanye cyane kubera indirimbo "Imana si Umuntu" benshi bazi nka "Nzogera kucyo yavuze", twamubajije icyamuteye gukora indirimbo y’umuco kandi azwiho cyane ko akora indirimbo zihimbaza Imana maze adusubiza agira ati"Nibyo koko ntibisanzwe ko abantu bakora gospel wabumva baririma umuco, ariko kandi birashoboka bitewe nimpamvu, indirimbo ndi umunyamulenge nayikoze mvuga ku nkuru y’umusore wavuye iwabo i Gitembe muburasirazuba bwa Congo ari naho mvuka, uyu musore akazamuka imisozi akamanuka indi agiye kureba Nyirarume wabaga i Milimbe, barangiza bakaganira icyo kiganiro nise mpuruyaha, ni mukinyamulenge bishatse kuvuga aho mvuye ngenekereje mukinyarwanda, icyanteye kwandika iyi ndirimbo nukwibutsa bene wacu imisozi yiriya, nkakumbuza abana batahavukiye kuhakunda no kubashishikariza kumva ko bakwiye kwishimira kwitwa abanyamulenge aho bari hose. iyi ndirimbo ntayindi mpamvu yindi nayikoreye niyo ngiyo rwose, ubu ni ubutumwa naha nabandi nimba uri umunyarwanda ukwiye kwishimira ko uri umunyarwanda bikagutera ishema byaba byisa ukanamenya kwivuga uwo uriwe igisekuru cyawe."

Adoni Muco akomeza avuga ko akomeje gukora indirimbo ziramya zikanahimbaza Imana, ndetse hari indirimbo zikiri muri studio muminsi irimbere ateganya kuzagenda ashyira hanze.

Our Latest Blog

Iryavuzwe riratashye Rose Muhando agiye kwishyura ideni kuri...

Mu nkuru yacu iheruka, ubwo twibazaga nimba koko Rose Muhando nagera mu Rwanda abantu bagiye bamutumira banamwishyuye akabatenguha, batazamufatirana bakamwishyuza ubutumire bwabo yabatengushyemo...

Rwanda Gospel Stars Live isize inkuru ki i Musozi ?

Rwanda Gospel Stars live yaraye isojwe mw’ijoro ryo kuri iki cyumweru cy’italiki ya 06 Werurwe, ni igikorwa cyari kije gifite intego nziza ariko gisize byinshi i musozi, ni inyuma y’ibintu byinshi...

Ku munota wanyuma abari bagize akanama nkemurampaka muri Rwanda...

Abari bagize akanama nkemurampaka ka Rwanda Gospel Live Stars bimaze kumenyekana ko besezereye rimwe . kubera imikorere idahwitse y’abategura iri rushanwa. Ibi byamenyekanye mumasaha yatambutse...

Ibyo Rose Muhando yatangaje akigera mu Rwanda

Umuhanzikazi uzwi cyane muri Afrika y’iburasirazuba Rose Muhando yaraye asesekaye mu Rwanda mw’ijoro ryahise, akigera mu Rwanda yagize ibyo atangaza kubyerekeranye n’u Rwanda ndetse nicyo abantu...